2026թ.-ի փետրվարի 6-ին Հանրային խորհրդի ՏԻՄ մշտական հանձնաժողովի նախագահ Գևորգ Քոթանջյանի նախաձեռնությամբ տեղի է ունեցել Հայաստանի Հանրապետության ՏԿԵ նախարարության Ջրային կոմիտեի նախագահ Արամազդ Ղալամքարյանի, Ջրային կոմիտեի նախագահի տեղակալ Մարտիրոս Նալբանդյանի, ՀՀ վարչապետի խորհրդական Արտաշես Թումանյանի, ՀԽ անդամներ Վազգեն Ղազարյանի, Արմինե Մարգարյանի, Սուսաննա Խալաթյանի և Մարինա Մկրտչյանի մասնակցությամբ նիստ:

Նիստը վարել է ՀԽ նախագահ Արա Խզմալյանը:

Քննարկվել են ՀՀ կառավարության ծրագրերով ջրամբարաշինության ոլորտում իրականացված աշխատանքներն ու առաջիկա նախագծերը: Առանձնահատուկ ուշադրություն է դարձվել Եղվարդի ջրամբարի ծրագրի կարևորությանն ու հետագա իրականացման հարցերին:

Ջրային կոմիտեի նախագահ Ա. Ղալամքարյանը կարևորել է Հայաստանի ջրային ռեսուրսների ռազմավարական նշանակությունն ու դրանց նպատակային օգտագործման անհրաժեշտությունը։

Մ.Նալբանդյանը ներկայացրել է ջրամբարաշինական ընթացիկ ծրագրերը, ակնկալվող աշխատանքների ծավալային ցուցանիշները և միջազգային համագործակցությամբ իրականացվող աշխատանքներին շրջանակները: Այդ համատեքստում անդրադարձ է կատարվել նաև Սևանա լճի խնդիրներին և լճի ջրահավաք ավազանում կեղտաջրերի կառավարման ուղղությամբ մշակվող ծրագրերին:

Աղբյուրը՝ ՀՀ Հանրային խորհուրդ/ Public Council of RA