Հայաստանում մեկնարկել է «Հայաստանի ջրամբարների և ոռոգման ոլորտի բարելավման» (ARISE) ծրագիրը՝ Ասիական զարգացման բանկի աջակցությամբ։ Խորհրդատվական ընկերության հետ ստորագրվել է պայմանագիր 8 ամիս ժամկետով՝ Գետիկում, Կարմիր գյուղում և Գառնահովիտում նոր ջրամբարների կառուցման նախնական ուսումնասիրության համար։

Ջրային կոմիտեում արդեն իսկ մեկնարկել են քննարկումները՝ ծրագրի արդյունավետ իրագործման նպատակով։

Ծրագրի նպատակն է՝

• մեծացնել ջրի պահեստավորման կարողությունները

• ապահովել կայուն ոռոգում

• բարձրացնել համայնքների դիմակայունությունը կլիմայական փոփոխություններին

• խթանել պարենային անվտանգությունը

Նախաուսումնասիրությունը ներառում է՝

• ջրամբարների տեխնիկատնտեսական գնահատում

• բնապահպանական և սոցիալական ազդեցությունների վերլուծություն

• ջրավազանի կառավարում և ոռոգման համակարգերի արդիականացում

• ներդրումային փաթեթի պատրաստում՝ ներկայացնելու պետական ներդրումային կոմիտեին

Նախագիծը նախատեսում է բարելավել շուրջ 3,500 ֆերմերների համար ջրի հասանելիությունը և նպաստել գյուղատնտեսական արդյունավետության աճին