Ջրային կոմիտեի նախագահ Վահագն Գևորգյանը, նախագահի տեղակալներ Մարտիրոս Նալբանդյանը և Վարազդատ Մկրտչյանն այսօր ընդունել են Զարգացման ֆրանսիական գործակալության ներկայացուցիչներին՝ Գյուղատնտեսության և ոռոգման հարցերով աշխատանքային խմբի ղեկավար Թանգու Վինսենթի գլխավորությամբ։ 

Ողջունելով հյուրերին, Կոմիտեի նախագահ Վահագն Գևորգյանը կարևորվեց շարունակական ռազմավարական երկխոսությունը ԶՖԳ-ի և ՀՀ կառավարության միջև՝ մեր պետության ենթակառուցվածքների համար կարևոր խնդիրներ լուծելու համար։ 

Քննարկման ուղղությունները մի քանիսն էին․

Վեդիի ջրամբարի ծրագրի վերջին փուլերի կատարման մասին տեղեկատվություն,

«Ոռոգվող գյուղատնտեսության զարգացում ՀՀ Արարատի և Արմավիրի մարզերում» ծրագրի /IADAAM/ արդյունավետ մեկնարկը և իրականացումը,

«Հայաստանի համար Ջրի և գյուղատնտեսության համալիր զարգացում» (WAIDA) ծրագրի գնահատումը, այդ թվում՝

-Համաշխարհային Բանկի հետ «Ջրային և ոռոգման ծառայությունների բարելավման ծրագրի» (WISE) ծրագրի համաֆինանսավորման պայմանները,

-Սյունիքի համապարփակ զարգացման ենթակառուցվածքային բաղադրիչի ֆինանսավորման ծավալը և ժամկետները,

-Պատվիրակված դրամաշնորհային ֆոնդը ստանալու նպատակով ԵՄ-ին ներկայացվելիք տեխնիկական աջակցության ծրագրի շրջանակը։