Ջրային կոմիտեի (ՋԿ) նախագահ Արամազդ Ղալամքարյանը, տեղակալ Մարտիրոս Նալբանդյանը և ՋԿ Ոռոգման և կոլեկտորադրենաժային համակարգերի վարչության պետ Արտյոմ Մխիթարյանը աշխատանքային այցով Գեղարքունքի մարզում էին։

Կոմիտեի ղեկավար կազմը շրջայց է կատարել մի շարք ոռոգման հատվածներում, մասնավորապես՝ Սևան–Հրազդան ոռոգման էներգետիկ համակարգի գլխամասում, Սևան ՀԷԿ-ում և Գեղամավանի դիտակետում։

Կոմիտեն շարունակելու է այցերն ու ուսումնասիրությունները՝ նպատակ ունենալով բարձրացնել ոռոգման համակարգերի կառավարելիությունը և նվազեցնել ջրային կորուստները մարզերում։