Ջրային կոմիտեում տեղի ունեցավ հանրային քննարկում կոմիտեի և գործընկեր կառույցների ներկայացուցիչների մասնակցությամբ։

Քննարկումը վերաբերում էր Ջրային կոմիտեի, Համաշխարհային բանկ-ի և առնչվող գործընկեր գերատեսչությունների հետ համագործակցությամբ մշակված «Ջրային և ոռոգման ծառայությունների բարելավման» (ՋՈԾԲ/WISE) ծրագրի շրջանակում, ի թիվս ծրագրային հիմնական փաստաթղթերի, մշակված հետևյալ բնապահպանական և սոցիալական փաստաթղթերին՝

• բնապահպանական և սոցիալական հանձնառությունների և շահակիրների ներգրավման պլաններ

• բնապահպանական և սոցիալական կառավարման և տարաբնակեցման շրջանակներ

• աշխատանքի կառավարման ընթացակարգեր

Քննարկումը բացեց և ներկաներին ողջունեց Ջրային կոմիտեի նախագահի ժամանակավոր պաշտոնակատար Մարտիրոս Նալբանդյան-ը։ Նա մասնավորապես նշեց, որ ծրագիրն ուղղված է ջրային համակարգերի ոլորտի ինստիտուցիոնալ բարելավմանը, ոռոգման համակարգերի արդիականացմանը, ինչպես նաև գյուղական բնակավայրերում ջրամատակարարման և ջրահեռացման ծառայությունների բարելավմանը։

Ջրային կոմիտեի բնապահպանության խորհրդատու Քրիստինե Սահակյան-ը և սոցիալական հարցերի մասնագետ Մարինե Վարդանյան-ը ներկայացրին մշակված փաստաթղթերը և պատասխանեցին բարձրացված հարցերին, արձագանքեցին ներկայացված առաջարկություններին։